Ndoshta nuk është çudi që prokurori i përgjithshëm i Kalifornisë, Rob Bonta, do të përpiqej të mbronte kompaninë më të madhe dhe ndoshta më të famshme me seli në shtet.
Po flasim për Apple.
Gjatë javës së kaluar, presidenti amerikan Donald Trump kërcënoi se do të vendoste një tarifë 25% për njësitë e iPhone që nuk janë prodhuar në SHBA.
Bonta shpjegoi pse ndjeu nevojën për të kërcënuar se do ta çonte administratën Trump në gjykatë.
Ai vuri në dukje se Apple është një nga pak kompanitë që e kanë bërë ekonominë e Kalifornisë të katërtën më të madhe në botë, shkruajnë mediat e huaja, përcjell Telegrafi.
Gjithashtu, Bonta vuri në dukje absurditetin e detyrimit për të mbrojtur një kompani amerikane që bën biznes në një shtet të SHBA-së nga presidenti i vetë SHBA-së.
“Ne jemi krenarë për kompanitë e Kalifornisë dhe duam të sigurohemi që të drejtat e tyre të mos shkelen, veçanërisht nga presidenti, njeri që nuk është dikush nga i cili normalisht duhet të mbrohesh.”
Bëhet e ditur se Trump ka kërkuar që Apple të ndërtojë iPhone në SHBA edhe pse kjo me siguri do të çonte në një rritje të madhe të çmimit për pajisjen.
Por, para se të vendos nëse do të padisë administratën Trump, Bonta do t’i hedhë një sy politikave tarifore të presidentit për t’u siguruar që ato nuk po synojnë kompanitë e Kalifornisë.
Ndoshta duke ndjerë se do të kishte sfida, presidenti më vonë shtoi se tarifat e propozuara prej 25% dhe më të larta do të vendoseshin gjithashtu ndaj prodhuesve të tjerë të pajisjeve, përfshirë Samsung.